“Ito ang palaging sinasabi ng players na slogan ng kanilang samahan. Hindi lang sila basketball team, kundi Blue Eagles Band of Brothers o BEBOB,” pahayag ni DILG Secretary Jonvic Remulla.
Inanunsiyo ni Department of Interior and Local Government (DILG) Secretary Jonvic Remulla na inirekomenda ng PNP Criminal Investigation and Detection Group (CIDG) sa prosecutor’s office ng Department of Justice (DOJ) ang paghahain ng reklamong paglabag sa Anti-Hazing Law laban kay former Ateneo Blue Eagles head coach Tab Baldwin at 10 iba pa dahil sa malagim na pagkam@tay ng dalawang student-athletes na sina Rene Baterbonia at Divine Adili sa team building activity sa Dipaculao, Aurora.
Base sa isang press conference ngayong Biyernes, Hunyo 26, sinabi ni Remulla na may maga indikasyon na hindi lamang tungkol sa basketball ang adhikain ng Blue Eagles subalit ito ay nagsusulong din ng kapatiran sa mga players na pinatibay ng kanilang samahan tuwing may kinahaharap silang matinding paghamon.
Bukod kay Baldwin, ang iba pang inirekomendang kasuhan ng paglabag sa Anti-Hazing Act ang mga sumusunod:
•Grant Dearns – Strength and Conditioning Coach
•Ceasar Vincent Javellana Elumba – Strength and Conditioning Coach
•Dean Caesar B. Castaño – Assistant Coach
•Sandro Nicholas Romero Soriano – Assistant Coach
•Reynaldo C. Jacinto Jr. – Assistant Coach
•Paolo Manuel Maceda Adevoso – Student Manager
•Andrew Lorenzo Bondoc Salud @Drew – Student Manager
•John Eric Quiambao Rueca – Physical Therapist
•Aris Ramos Pronce – Utility / Ball Boy
•Joel Palmiano Rapa – Utility / Ball Boy