Para makalikom ng pondo para sa iba’t ibang proyekto ng St. John Parochial School (SJPS) sa Tiaong, Quezon, maglulunsad ang SJPS Alumni Association Inc. (SJPSAAI) ng First Invitational Golf Tournament sa Hulyo 4, sa South Forbes Golf Club sa Silang, Cavite.
Ang kikitain sa kauna-unahang golf tournament ng SJPSAAI sa Hulyo 4, Sabado, ay gagamitin sa mga pangunahing proyekto ng samahan, kabilang ang pagpapa-renovate at refurbishment ng kindergarten playroom ng eskuwelahan, at popondohan ang mga programa na layuning tugunan ang special needs ng mga estudyante.
“This tournament is more than just a game,” sabi ni Cris Aquino, executive director ng SJPSAAI. “It is an opportunity for our community to come together, give back, and help create a better learning environment for current and future SJPS students.”
Sa pamamagitan ng SJSPAAI, nagtutulung-tulong ang mga alumni ng eskuwelahan sa pagsuporta sa kanilang alma mater sa pamamagitan ng oportunidad sa scholarship, pagpapabuti ng mga imprastruktura sa paaralan, at student development programs.
Para sa sponsorship opportunities, donasyon, o pagpaparehistro ng player, makipag-ugnayan sa project director na si Esy Baldeo sa 6472717360.