Magkakaroon ng dagdag-pasahe sa mga pampublikong sasakyan kabilang ang jeep, bus, at Transport Network Vehicle Service (TNVS) o ride-hailing services simula sa Huwebes, Marso 19.
Narito ang dagdag-pasahe ayon sa Land Transportation Franchising and Regulatory Board (LTFRB):
- Traditional jeepney: P14 sa unang 4 km (mula P13), at P2 bawat susunod na kilometro
- Modern jeepney: P17 sa unang 4 km (mula P15), at P2.40 bawat susunod na kilometro
- Metro/city bus (ordinary): P15 sa unang 5 km, P2.49 bawat susunod na kilometro
- Metro/city bus (aircon): P18 sa unang 5 km, P2.97 bawat susunod na kilometro
- Provincial bus (ordinary): P12 sa unang 5 km, P2.20 bawat susunod na kilometro
- TNVS (ride-hailing services): dagdag P20 sa base fare
- Airport taxi: dagdag na P40 sa unang 500 metro
- Point-to-point (P2P) buses: 15% dagdag-pasahe
Ayon sa LTFRB, ang provisional fare increase ay magiging permanente pagsapit ng Hunyo kapag nailabas na ang bagong fare matrices.
Ulat ni Bea Tanierla