Inihayag ni Pangulong Ferdinand R. Marcos Jr. sa groundbreaking ceremony para sa Metro Manila Subway Project (MMSP) ngayong Biyernes, Pebrero 13, na ang tatlong subway stations na ginagawa sa Bonifacio Global City (BGC), Taguig City ay makapagsasakay ng 200,000 pasahero kada araw sa opening year nito.
“The three stations in BGC are projected to serve no less than 200,000 passengers per day in its opening year,” saad ni Pangulong Marcos.
“This means workers arriving on time, students getting home earlier, and our citizens regaining hours we once lost to congestion,” aniya.
Kapag fully operational na umano ang 33-kilometrong Metro Manila Subway System ay mapaiikli na nito ang travel time mula Valenzuela City hanggang BGC sa 29 minuto mula sa dating isa’t kalahating oras.
Mapaiikli rin umano nito ang travel time mula Quezon City patungong Ninoy Aquino International Airport (NAIA) mula mahigit isang oras hanggang 35 minuto.
Ayon pa kay Pangulong Marcos, konektado ang North Avenue subway station sa LRT-1, MRT-3, at MRT-7; ang Anonas subway station sa LRT-2, at ang Ortigas subway station sa proposed na MRT-4.
“This is the scale of transformation that we are building and this brings us closer to a fully connected subway that will redefine mobility in our nation’s capital. It also brings us closer towards restoring dignity to daily travel and reaffirming our confidence in what we can achieve as a nation,” dagdag ni PBBM.
Ulat ni Ansherina Baes