Isa na rin si health advocate Dr. Tony Leachon sa mga pumapalag sa pagpapataw ng buwis sa interes ng kinita sa long-term bank deposits na itinuturing niya bilang dagdag pasanin para sa mga Pinoy na nag-ipon para magkaroon ng magandang kinabukasan.
“This disincentivises savings, an option that is already low among Filipinos since high inflation robs them of disposable income. It effectively penalizes savers,” sabi ni Leachon.
“Long term deposits of 5 years and over were exempt from the 20% tax. That was to encourage the public to save long term and focus on their futures. But now, DOF Secretary and PhilHealth Board Director Ralph Recto wants all deposits charged with a 20% tax,” saad ni Leachon sa kanyang post sa social media.
“The public will have nowhere to go since bonds are also charged a 20% tax,” dagdag niya.
Ito ay sa kabila ng paliwanag ni Palace Press Officer Atty. Claire Castro na hindi ang kabuuang savings ang papatawan ng buwis sa ilalim ng Capital Markets Efficiency Promotion Act (CMEPA) kundi ang interes sa kinita nito, sinabi niya na maliit na halaga lamang ito mula sa bulsa ng mamamayan na makikinabang sa mga proyekto ng gobyerno.