Inihayag ni Bicol Saro Rep. Terry Ridon sa panayam sa kanya ni Christian Esguerra sa programang “Facts First” na hinihintay na lamang umano na maubos ang buhangin sa P389 na milyong Dolomite beach project.
“So basically, hinihintay na lang natin talaga na lamunin siyang muli ng karagatan hanggang maubos na ‘yung buong area na ‘yun,” saad ni Ridon.
Ito ay matapos umanong ianunsyo ng Department of Environment and Natural Resources (DENR) na hindi na nila popondohan ang naturang proyekto.
“Kapag merong mga malalaking typhoons dito sa area po na ito, talagang nai-imagine mo talaga na centavo for centavo, piso by piso, million by million, nauubos ‘yung pera ng mga Pilipino,” saad ni Ridon.
Ulat ni Ansherina Baes