Hindi pinagbigyan ng Sandiganbayan Third Division ang hiling ni dating senator Ramon “Bong” Revilla Jr. na makabisita sa burol ng kanyang yumaong kapatid na si Jojo Manungas Bautista.
“The situation presented by accused Revilla could not be considered an emergency or a compelling circumstance that warrants an exception to the general rules imposed on a detained accused,” saad sa resolusyong inilabas ng Sandiganbayan Third Division.
Nahaharap si Revilla sa non-bailable malversation case kaugnay ng umano’y P92.8 million “ghost” project sa Pandi, Bulacan.
Sa resolusyong may petsang Hunyo 26, ngunit isinapubliko lamang ngayong Martes, Hulyo 7, sinabi ng anti-graft court na bagama’t ang pagkawala ng isang kapatid ay trahedyang maituturing, hindi ito exceptional ground para isantabi ang primary duty ng korte na siguraduhin ang kustodiya ng mga akusado.
“It would also unduly create an impression on the public that the accused, being a former high-ranking public official, is a favored detainee over and above other similarly situated detainees,” giit pa ng korte.