Inihayag ni Department of Education (DepEd) Secretary Sonny Angara na nakatipid ang ahensya ng hindi bababa sa ₱1.4 bilyon matapos mabili ang 231,000 laptop computers na nakatakdang ipamahagi sa mga guro nang mas mababa sa karaniwang retail price nito.
“By opening the process to fair, competitive bidding rather than restrictive procurement, we did not just save Filipino taxpayers at least ₱1.4 billion compared to standard retail prices, we also secured an extended five-year warranty that protects these vital tools for years to come,” ani Angara.
Ayon kay Angara, nasa 169,008 Mac-based laptops at 62,717 Windows-based laptops ang nakalaan para sa mga guro habang 3,646 Mac-based laptops ang nakatakdang ipamahagi sa administrative officers.
Naging posible ito sa pamamagitan umano ng patas at competitive bidding sa halip na limitadong procurement process.
Bukod sa mas mababang presyo, nakakuha rin ang DepEd ng limang taong extended warranty para sa mga laptop upang matiyak ang maayos na kondisyon at patuloy na paggamit ng mga ito sa mga susunod na taon.
“Our educators deserve reliable, high-performing technology without the government overpaying a single centavo,” saad pa ni Angara.