Siniguro ni House lead prosecutor at Batangas 2nd District Rep. Gerville Luistro na tuloy na tuloy na ang pagsisimula ng impeachment trial ni Vice President Sara Duterte sa Hulyo 6, batay sa naging kinahinatnan ng pre-trial conference nitong Huwebes, Hunyo 18.
“Nag-start tayo kahapon ng marking of exhibits, and hopefully matapos na this coming Monday. ‘Pag natapos ‘yun, ang hihintayin namin is pre-trial order. Ang pinakaimportante dito, para sa kaalaman ng ating kababayan, ‘yun pong start ng trial on July 6, tuloy na tuloy na ‘yan,” sabi ni Luistro.
“Ang maliwanag kahapon, ang start talaga ng trial is July 6 at magtutuloy-tuloy na ‘yan,” sinabi ni Luistro ngayong Biyernes, Hunyo 19.
“We would like to commend the impeachment court, the prosecution team and even the defense team for taking as stance towards an expeditious proceedings towards this pre-trial para makaumpisa na tayo sa July 6 because after all, ito matagal nang hinihintay ang taong bayan,” dagdag ng kongresista.
Ipagpapatuloy ang pre-trial conference sa Lunes, Hunyo 22, ayon kay Luistro.