Pinatawan ng Supreme Court ng one-year suspension sa pagiging abogado si Atty. Jesus Nicardo M. Falcis III, matapos itong mapatunayang “guilty” sa kasong misconduct bunsod ng kanyang mga binitawang pahayag sa social media laban sa aktres na si Kris Aquino.
“They must not use abusive, offensive, or improper language, whether spoken or written, including on social media. Such conduct undermines the dignity of the legal profession,” ayon sa statement ng Office of the SC Spokesperson.
Sinabi ng SC na ito ay bunsod ng isang post ni Atty. Falcis sa Twitter kung saan dinepensahan niya ang kanyang kapatid na si Nicko laban sa mga reklamong qualified theft na inihain ni Kris Aquino.
“’Yang mga biased na dilawan d’yan, halata kayo. Sa allegations ni Kris, paniwalang paniwala na kayo agad. Pero sa allegations namin na she threatened my brother, wala akong naririning sa inyo? Pakyu kayo mga ago haha check your cognitive biases,” ayon sa post ni Atty. Falcis.
Ito ang nag-udyok kay Jason Gen H. Baltao, dating kasosyo ni Kris sa negosyo, upang maghain ng reklamo na conduct unbecoming a lawyer sa Intergrated Bar of the Philippines (IBP) na kinatigan ng Korte Suprema subalit nagpataw ang huli ng mas mabigat na parusa kumpara sa IBP.
“Under Canon II, Section 4 of the CPRA, lawyers must used dignified, gender-fair, childe- and culuturally sensitive language in both their professional and personal dealings,” ayon sa desisyon ng Korte Suprema.