“We are closely monitoring developments. While we respect the right to peaceful assembly, we also have the mandate to ensure that there will be no incident that will disrupt normal activities and threaten peace and order,” ani PNP Chief Gen. Jose Melencio Nartatez Jr.
Nakaalerto ang Philippine National Police (PNP) sa mga posibleng ikakasang kilos-protesta sa Marso 11, kasabay ng unang anibersaryo ng pagkaka-aresto kay dating Pangulong Rodrigo Duterte, na nakapiit at nahaharap ngayon sa kasong crimes against humanity sa International Criminal Court (ICC) sa The Hague, Netherlands.
Ayon kay PNP Chief Gen. Jose Melencio Nartatez Jr., may mga mino-monitor na silang social media posts na naghihikayat sa publiko para sa isang motorcade rally na posibleng ganapin sa kahabaan ng EDSA hanggang Villamor Airbase.
Ipinag-utos din ni Nartatez ang pagdadagdag ng mga pulis sa Davao City, na balwarte ni Digong, bilang paghahanda sa mga posibleng maganap sa rallies sa lugar.
Samantala, nagpaalala rin ang PNP chief sa pagkakaroon ng maximum tolerance sa mga kapulisan: “Remember, our strength lies in professionalism and restraint. Uphold the law, protect our citizens, and lead by example,” aniya.