Binuweltahan ng dalawang ICC Pre-Trial Chamber 1 judges ang disqualification request na inihain ng kampo ni dating Pangulong Rodrigo Duterte.
“Judges are professionals capable of deciding on issues before them relying solely and exclusively on the evidence and submissions adduced in the particular case,” saad ng dalawang ICC Pre-Trial Chamber 1 judges.
Sa three-page submission nina International Criminal Court (ICC) Pre-Trial Chamber 1 Judges Reine Adelaide Alapini-Gansou at Maria del Socorro Flores Liera sa Plenary of Judges na may petsang Mayo 22, iginiit nila na sila ay “fully mindful” sa provisions ng Rome Statute at Code of Judicial Ethics.
Wala umano silang makitang grounds para sila ay ma-excuse o madiskuwalipika sa paglilitis kay dating Pangulong Rodrigo Duterte tulad ng request ng kampo nito sa ICC Presidency.
Matatandaan na naghain ng disqualification request ang defense team ni Digong, sa pamumuno ng legal counsel nito na si Atty. Nicholas Kaufman, sa ICC Presidency upang idiskuwalipika ang dalawang judges sa paghamon nito sa hurisdiksyon ng korte ng Pilipinas.
Kasalukuyang nakapiit si Digong sa detention facility ng ICC sa The Hague, Netherlands dahil sa kasong crimes against humanity.
Ulat ni Ansherina Baes