Naihatid na sa Building 14 ng New Bilibid Prison (NBP) Maximum Security Compound si dating Negros Oriental Congressman Arnolfo “Arnie” Teves Jr. ngayong Biyernes, Mayo 30, bago mag-ala-1 ng hapon, matapos ang ginanap na press conference ng National Bureau of Investigation (NBI).
Matatandaan na humingi ng political asylum si Teves mula sa Timor-Leste government nang maakusahan siya sa @ssasination ni dating Negros Oriental governor Roel Degamo noong 2023, ngunit nabalewala ito nang ipina-deport na siya dahil sa kanyang pagiging undocumented alien.
Dumating siya sa bansa nitong Huwebes, Mayo 29, ng gabi, kung saan sinalubong siya ng mga local authorities.
Si Teves ay nahaharap sa 13 counts of mvrder, 14 counts of frustrated mvrder, 2 cases under Terrorist Financing Prevention Act, Illegal Possession of Firearms, at Illegal Possession of Explosives.
Ulat ni Ansherina Baes