Ipinaliwanag ni Senate President Francis “Chiz” Escudero ngayong Biyernes, Abril 11, na kaya niya pinalaya si Special envoy on transnational crime Markus Lacanilao ay bilang “matter of regularity” at “out of humanitarian consideration” dahil nakatakdang ilibing ngayon ang lolo ni Lacanilao.
“After several hours of Ambassador Lacanilao’s unauthorized detention, I directed his release, both as a matter of regularity and out of humanitarian consideration as his grandfather is to be laid to rest today,” saad ni Escudero.
Ito ay matapos siyang patawan ng contempt ni Sen. Imee Marcos nitong Huwebes, Abril 10, dahil sa umano’y “misleading” na testimonya na kanyang ibinigay sa ginanap na Senate Committee on Foreign Relations kahapon.
Taliwas sa sinabi ng senador na tinanggihan ng Senate President na pirmahan ang contempt order ng Ambassador, sinabi niya na nauna umanong ipakita ng senador sa publiko ang detention order bago pa ito makita ng Senate President.
Hindi umano dumaan sa tamang proseso ang pag-detain kay Lacanilao dahil wala ito umanong kinakailangang approval at sinabing bilang pagsunod sa proseso, nagisyu si Escudero ng show cause order laban kay Lacanilao upang pagpaliwanagin siya sa loob ng limang araw kung bakit dapat hindi siya ma-contempt. “I shall decide on whether or not to sign his arrest/detention only thereafter.”
“I urge Senator Marcos to refrain from using the Senate as a platform for her own personal political objectives and to instead use her name, title, and influence as a bridge toward unity, not a wedge for division. Our people and our country expect and deserve no less,” dagdag ni Escudero.
Ulat ni Ansherina Baes