Idineklara ng House Committee on Justice na sufficient in substance ang ikatlo at ikaapat na impeachment complaints laban kay Vice President Sara Duterte.
Nakakuha ng 54 na affirmative, isang negative, at zero abstention votes ang mosyon na ideklarang sufficient in substance ang ikatlong impeachment complaint na inihain ni Rev. Fr. Joel Saballa, et. al na inendorso ni Senior Deputy Minority Leader Leila de Lima.
Gayundin ang bilang ng botong nakuha para sa mosyon na ideklarang sufficient in substance ang ikaapat na impeachment complaint na inihain ni Atty. Nathaniel Cabrera at inendorso nina Manila 6th District Rep. Benny Abante at Deputy Speaker Paolo Ortega.
Ito ay matapos ganapin ang deliberasyon ng komite sa ikatlo at ikaapat na impeachment complaints laban kay VP Sara ngayong Miyerkules, Marso 4.
Ulat ni Jilliane Libunao