Kinumpirma ni Bureau of Immigration (BI) Deputy Commissioner Atty. Joel Alejandro Nacnac ngayong Huwebes, Nobyembre 5, na nagtugma ang fingerprints ng negosyanteng si Joseph Sy at ng Chinese national na si Chen Zhong Zhen.
Ayon kay Nacnac, sina Sy at Chen ay iisang tao lamang.
Akusado si Sy, chairman ng Global Ferronickel, sa pamemeke ng kanyang Filipino citizenship at iniimbestigahan sa umano’y identity fraud, institutional security infiltration, foreign political alignment, at iba pang paglabag.
Hindi naman sumipot si Sy sa pagdinig ng Senate subcommittee on justice and human rights ngayong araw matapos ma-admit sa emergency room ng Makati Medical Center, ayon sa abogado niyang si Atty. Alma Mallonga.