Sinampahan na ng non-bailable plunder case ng Office of the Ombudsman Sen. Rodante Marcolera ngayong Biyernes, Hulyo 3, kaugnay ng umano’y P75-million undeclared campaign funds nito noong 2025 elections.
Bukod sa plunder, kinasuhan din si Marcoleta ng three counts of violation of Presidential Decree No. 46 (receiving gifts).
Kabilang pa sa mga akusado sina dating Anakalusugan Rep. Mike Defensor at mga negosyanteng sina Aristotle Baluyut Viray at Joseph Varias Espiritu, na umano’y nagbigay ng ₱30 milyon, ₱25 milyon, at ₱20 milyon, ayon sa pagkakasunod-sunod, bilang campaign donations para sa kandidatura ni Marcoleta sa Senado noong Enero 2025.
Samantala, sa kanyang counter-affidavit, iginiit ni Marcoleta na hindi public funds ang naturang ₱75 milyon. Gayunman, ayon sa Ombudsman, lumampas ang halaga sa ₱50 milyong allowable contribution na itinakda sa Republic Act No. 7080 (Plunder Law).
Sa isang press briefing nitong Huwebes, Hulyo 2, binigyang-diin din ni Assistant Ombudsman Mico Clavano na mahalagang ideklara ang ganitong kalaking halaga sa Statement of Contributions and Expenditures (SOCE) o Statement of Assets, Liabilities, and Net Worth (SALN).
“To accept an amount that will double your net worth is significant enough for you to declare either on your SOCE or SALN,” ani Clavano.