Ibinunyag ni House prosecutor at Bicol Saro Rep. Terry Ridon ngayong Martes, Hunyo 16, na 30 iba’t ibang klase ng baril, na nagkakahalaga umano ng milyun-milyong piso, ang pagmamay-ari ni Vice President Sara Duterte at asawang si Atty. Mans Carpio, pero hindi nakadeklara sa Statements of Assets, Liabilities and Net worth (SALN) ng Bise Presidente.
Ang mga nasabing “short and long” firearms ang mga bagong ebidensiyang ihaharap ng prosekusyon laban sa Bise Presidente sa impeachment trial, pag-amin ni Ridon.
Ayon kay Ridon, inaayos na nila ngayon ang expert appraisal sa nasabing mga armas upang matukoy ang aktuwal na halaga ng mga ito.
“We will get the list from the PNP Firearms Division on each and every firearm that is registered in the name of the vice president and her husband,” sinabi ni Ridon sa panayam sa kanya ng Inquirer. “All of the firearms were never declared in any SALN, in any year.