Nakatakdang bumalik sa Pilipinas ang Irish singer-songwriter na si Niall Horan para sa solo performance sa Mayo 13, 2024 sa Mall of Asia Arena.
Makikita sa Instagram post ni Naill na dadalhin niya ang kanyang “The Show” tour sa Pilipinas, gayundin sa Singapore, Japan, at Indonesia.
“I’m bringing The Show Live On Tour over to Asia next year! The Tokyo date is on sale now and tickets for Singapore, Jakarta and Manila go on sale 18 Oct,” mababasa sa caption ni Naill.
Ayon sa promoter na Live Nation Philippines, gaganapin ang fan club presale sa Oktubre 16-17, 2023. Samantala, magsisimula ang general sale simula ala-3 ng hapon ng Oktubre 18.
Sumikat si Naill matapos maging third sa “The X Factor UK” kasama ang One Direction noong 2010, ang grupong binuo ng British record executive na si Simon Cowell mula sa mga natanggal na male acts sa kompetisyon.
Naging tanyag ang grupo sa kanilang mga hit album “What Makes You Beautiful,” “Kiss You” at “You and I.”