Natawa na lang ang magandang Kapamilya actress at dancer na si Shaina Magdayao sa kumakalat na issue na buntis siya.
Sa kanyang Instagram stories, itinanggi ni Shaina, na kasalukuyang nasa Korea ngayon para dumalo sa 28th Busan International Film Festival kung saan kasama ang kanilang pelikula ng premyadong direktor na si Lav Diaz na “Essential Truths of the Lake,” na pinagbibidahan din nina John Lloyd Cruz, Agot Isidro, Bart Guingona, Paul Jake Paule, Tart Carlos, at iba pa.
“My goodness, I am nooooot pregnant, people! Will never deny if I were since I’m already of age noh! But nope, I aint preggers!!!” sabi ni Shaina sa kanyang Instagram stories noong Oktubre 11.
Anang 33-anyos na aktres, hindi niya ide-deny kung nagdadalang-tao siya dahil nasa edad na naman siya para maging mommy.