Muling binuweltahan ni Vice President at Department of Education (DepED) Secretary Sara Duterte ang mga kritiko ng panukalang confidential funds para sa kanyang mga tanggapan.
Partikular na pinasaringan ni Duterte sina Senator Risa Hontiveros at ACT Teachers party-list Rep. France Castro na kapwa bumabatikos sa tinaguriang “secret funds” na nagkakahalaga ng P650 milyon para sa Office of the Vice President (OVP) at DepEd.
“Senator Risa Hontiveros, while she amuses the nation with her flair for drama, could only wish the 2022 OVP [confidential fund] was accessed illegally. It’s a shame they still cannot produce any proof to support their dirty imagination,” sinabi ni Duterte sa isang kalatas.
“The indignity they have caused Congress and the Senate should be enough for us not to give them serious attention,” dagdag niya.
Sa kabilang dako, pinasalamatan naman ni Duterte ang kanyang mga kaalyado sa Kongreso na sumasangayon sa panukalang paglalaan ng secret funds para sa dalawang tanggapan, particular na si Rep. Stella Quimbo ng Ikalawang Distrito ng Marikina City.
Bukod kay Quimbo, pinasalamatan din ni Duterte si Pangulong Ferdinand R. Marcos Jr., Executive Secretary Lucas Bersamin at Department of National Defense (DND) Secretary Gilbert Teodoro sa kanilang pagsuporta sa paglalaan ng confidential funds sa mga tanggapa na kanyang pinamumunuan.