Sabi nga nila, “when it rains, it pours.” At nagkatotoo nga ito sa voice actress na si Inka Magnaye na ngayon ay isa na sa cast ng pinakaabangang Kapamilya teleserye na “Senior High.”
Matatandaang si Inka rin ang nagboses sa karakter ni Scarab sa Philippine release ng DC superhero film na “Blue Beetle” na ipinalabas nito lamang Agosto.
Pinagbibidahan ni Andrea Brillantes, makakasama rin ni Inka ang premyado at beteranong mga aktor na sina Angel Aquino, Ana Abad Santos, Mon Confiado, Desiree del Valle, Baron Geisler, Gerald Madrid, Angeli Bayani, and Ryan Eigenmann, Sylvia Sanchez, Kyle Echarri, Zaijian Jaranilla, Xyriel Manabat, JK Labajo, Daniela Stranner, Elijah Canlas, Miggy Jimenez, Tommy Alejandrino, Gela Atayde, Rans Rifol, Kean Cipriano, Floyd Tena, Kakki Teodoro at Rap Robes.
Ang “Senior High” ay sa direksiyon nina Direk Andoy Ranay at Onat Diaz, sa produksiyon ng Dreamscape Entertainment, Inc.
Nagbukas ang teleserye kagabi, Agosto 28.