Apat na district engineers ng Department of Public Works and Highways (DPWH) ang buena mano na ipinasibak sa puwesto ni DPWH Secretary Giovanni Lopez dahil sa pag-apruba sa mga proyekto na kalaunan ay napag-alamang hindi “implementable.”
“Ito pong isa, nagsumite ng Certificate of Implementability na kanya mismong pinirmahan. Pero noong aming sinusuri, lumabas na hindi implementable,” ani Lopez.
Ang mga ito ay sina:
- District Engineer (DE) Hermon Ines ng Tarlac 1st District Engineering Office (DEO)
- DE Saidale Mitmug, Cotabato 3rd DEO
- Officer-in-Charge DE Clifton Valencerina, Apayao 2nd District DEO
- DE Amron Mitmug, Lanao del Norte 2nd DEO.
Ayon kay Lopez, si Mitmug ay nagsumite diumano ng mga pekeng dokumento sa National Expenditure Program (NEP) para lamang makakuha ng pondo para sa mga “non-implementable” infrastructure projects.