Bukod sa pagtaas ng singil sa langis at kuryente, magkakaroon din ng dagdag-singil sa tubig ang Maynilad at Manila Water mula Abril hanggang Hunyo dahil sa foreign exchange fluctuations.
Inaprubahan ng Metropolitan Waterworks and Sewerage System (MWSS) Board of Trustees ang pagpapatupad ng Foreign Currency Differential Adjustment (FCDA), para payagan ang mga water concessionaire na i-adjust ang singil sa tubig base sa paglakas o paghina ng piso laban sa dolyar
Bunsod nito, nakatakdang magpatupad ang Manila Water ng dagdag na ₱0.04 kada cubic meter sa singil sa tubig.
Samantala, tataas naman ng ₱0.09 kada cubic meter ang singil ng Maynilad Water Services Inc.
Ulat ni Bea Tanierla