Hinimok ni Pangulong Ferdinand R. Marcos Jr. ang mga estudyante na gamitin ang artificial intelligence (AI) nang wasto, kung saan ay dapat makatutulong umano ito sa kanilang pag-aaral at hindi mapapalitan ang determinasyon nila na mag-aral.
“I really fervently wish we had this (A.I.) when the time that I was still in school… but you must use it to help you think and support your learning. It should never replace your drive… your grit to learn about our world,” saad ni PBBM.
Aniya, hinihiling niya na sana ay mayroon ng AI noong panahon na nag-aaral pa siya dahil ito ay isang “extraordinarily powerful tool.”
Gayunpaman, binigyang-diin niya ang paggamit ng AI sa paraan na makatutulong sa mga estudyante.
“Technology cannot replace discipline… It cannot replace hard work. That is how we build a Bagong Pilipinas, one that is enabled by technology and powered by Filipinos who choose to learn… for a better future for all,” wika ng Pangulo ngayong Biyernes, Enero 9, kasabay ng paglunsad sa “Project AGAP.AI” (Project Accelerating Governance and Adaptive Pedagogy through Artificial Intelligence) ng Department of Education (DepEd).
Ulat ni Jilliane Libunao