Inihayag ni Department of Justice (DOJ) Secretary Jesus Crispin “Boying” Remulla sa isang panayam na maaari pang madagdagan ang mga ‘big names’ na sangkot umano sa kaso ng mga nawawalang sabungero matapos lumitaw sa kanilang imbestigasyon ang pangalan ng aktres na si Gretchen Barretto.
“Basta there are others,” saad ni Remulla tungkol sa mga ‘big names’ na sangkot umano sa kaso ng mga nawawalang sabungero na diumano’y ibinaon ang mga labi sa Taal Lake.
“Statement pa lang, parang hindi pa affidavit, hindi pa yata fully sworn, wala pa ako nakita na pirma. But he had probably have one already,” saad niya nang tanungin siya sa status ng affidavit ni alyas “Totoy.”
Tinanong din si Remulla tungkol sa mga ulat na si Barretto, na may koneksiyon diumano kay Totoy, ay kinikilala umanong “alpha member” kaugnay sa mga nawawalang sabungero.
Tumanggi naman ang DOJ chief na magkomento tungkol dito: “I cannot comment on that yet kasi we have to validate a lot of this things.”
Ulat ni Ansherina Baes