Magkakaroon ng tiyansang manalo ng tatlong house and lot, 20 motorsiklo, 20 Smart TV, bakasyon sa Misibis Bay at P200,000 cash prizes sa GCash ang mga makikisaya sa libreng Bicol Loco Festival concert sa Mayo 3-4 sa Old Legazpi Airport sa Albay.
Ayon kay Ako Bicol party-list Rep. Zaldy Co, organizer ng kauna-unahang Bicol Loco Festival, nagkakahalaga ng P1.5 milyon ang bawat isang house and lot sa Eco Homes, Barangay Puro, Legazpi City sa Albay.
Libu-libong Bicolano at turista ang inaasahang daragsa sa Old Legazpi Airport kung saan gaganapin ang libreng mega concert ng pop icons na sina Sarah Geronimo at Bamboo ngayong Biyernes, Mayo 3. Sa susunod na gabi, si Ely Buendia naman at si Jericho Rosales ang magpe-perform.
Para makasali sa two-day mega raffle, magparehistro at kumuha ng event wristband pagpasok sa concert venue.
Ayon sa organizers, kailangan ang presensiya ng raffle winner upang makuha ang premyo at maaari lang itong manalo ng isang beses.
Ano pa hinihintay nyo? Dumalo at magpa-register na!!!