Inanunsyo ng Live Nation Philippines ngayong Lunes, Nobyembre 6, ang “Rivermaya: The Reunion” concert na nakatakda sa Pebrero 17, 2024 sa SMDC Festival Grounds sa Parañaque City.
Nakatakdang mag-jamming ang Filipino rock band na ‘Rivermaya’ na sina Bamboo Mañalac, Mark Escueta, Nathan Azarcon, at Rico Blanco sa reunion concert sa Pebrero sa susunod na taon.
“Be a part of history as Live Nation Philippines stages its first-ever OPM show with Bamboo, Mark, Nathan and Rico — finally together in the country’s most coveted reunion,” mababasa sa post ng Live Nation Philippines.
Magsisimula ang pagbebenta ng tiket sa Nob. 17, sa ganap na 3 p.m. sa SM website at SM Ticket outlets.