Ikinabahala ni dating Department of Interior and Local Government (DILG) secretary Rafael Alunan III ang pagkakadiskubre ng umano’y “sleeper cells” sa isang exclusive subdivision sa Pasig City kung saan naaresto ng National Bureau of Investigation (NBI) ang anim na pinaghihinalaang Chinese terrorists at dalawang Pinoy na kasamahan noong Oktubre 16.
Ayon sa ulat, Nabawi umano sa mga suspek ang ilang high-powered firearms na may marking “From People’s Republic of China” na may kasamang badges na may tatak “blasting team,” “recon team,” “support team,” “assault team,” “machine gun team,” at “sniper team.”
Ipinagtataka niya kung paano naka-puwesto ang mga Chinese sa naturang subdivision na katabi ng Camp Crame at Camp Aguinaldo.
“China’s supporting most probably proxy organizations like rebel groups, friendship societies, business conglomerates and united fronts to advance China’s core interest of “indisputable sovereignty” in our maritime domains and to take effective control of the country,” pahayag ni Alunan.
Naniniwala ang dating DILG chief na ito ay indikasyon na ipinoposisyon na ng China ang “clandestine forces for future action.”
“There ought to be a persistent campaign to sanitize our communities of Trojan horses and sleeper cells nationwide. China’s supporting most probably proxy organizations like rebel groups, friendship societies, business conglomerates and united fronts to advance China’s core interest of ‘indisputable sovereignty’ in our maritime domains and to take effective control of the country,” pahayag ni Alunan sa kanyang Facebook page.
Malaki rin, aniya, ang posibilidad na may kinalaman ang panghihimasok ng Chinese forces sa West Philippine Sea sa pagkakaroon ng mga “sleeper cells” na umano’y minimintina ng mga Chinese clandestine teams sa bansa.
“What it’s doing to us in the West Philippine Sea is directly related to its infiltration made easy by corrupt government officials, uniformed personnel and unpatriotic citizens,” giit niya.