Kasabay ng patuloy na pagdami ng mga gusali at bahay sa National Capital Region (NCR), dapat umanong laging maging handa ang rehiyon sa posibilidad ng “Big One,” isang lindol na may lakas na magnitude 7.2 o higit pa, ayon sa Department of Science and Technology (DOST).
“Kunyari 6.5 na lindol dito sa kalagitnaan ng West Valley Fault, tens of thousands ang ating casualty. This is because there are too many buildings and population. So the more buildings, the more population, the higher the potential impact,” sabi ni DOST Secretary Renato Solidum Jr.
Ito ang babala ng ahensya kasunod ng magnitude 6.9 na lindol na yumanig sa Cebu noong Setyembre 30 kung saan mahigit 60 katao na ang nasawi.
“Earthquakes are not easy events to prepare for. But it can be prepared for by making sure that our houses, our infrastructures, the places where we visit, like churches or malls, are earthquake-resistant,” sabi ni DOST Secretary Renato Solidum Jr.
“Paghandaan natin ang mga posibleng panganib ng lindol. Hindi lang ‘yung pagkasira ng bahay. Malambot na lupa, liquefaction, puwede ba magka-landslide, at siyempre, nasaan ‘yung mga fault. So pwede po nilang hanapin sa Hazard Hunter PH app ng DOST-Phivolcs ‘yung mga ‘yun,” dagdag niya.
Ulat ni Julian Katrina Bartolome