Pinirmahan ni US President Donald Trump ang isang executive order na diumano’y nag-aalis sa Department of Education dahil, aniya, “It’s doing us no good.”
“We’re going to shut it down and shut it down as quickly as possible. It’s doing us no good. We’re going to return education back to the states where it belongs,” saad ni Trump.
Ipinakita ni Trump ang executive order na kanyang pinirmahan nitong Huwebes, Marso 20, na naglalayong tanggalin ang Department of Education na isang decades-old goal ng American right kung saan hiwalay sa federal government ang pagpapatakbo ng paaralan ng bawat state sa US.
Samantala, hindi maaaring tanggalin ng US President ang Education Department ng bansa, na binuo noong 1979, nang walang approval mula sa Kongreso, ngunit maaaring tanggalin ng executive order ang funding at staff ng kagawaran.
Inaatasan ng naturang order si Education Secretary Linda McMahon na “take all necessary steps to facilitate the closure of the Department of Education and return education authority to the States.”
Ulat ni Ansherina Baes