Apat na Pinoy na nurse sa United States ang napiling makasama sa American Academy of Nursing (AAN) bilang mga fellow para sa Class of 2023 nito.
Ang apat na Pinoy, na sina Sofia Aragon, Danilo Lovinaria, Jennifer Kawi, at Irvin Ong, ay makakasama ng mahigit 2,900 AAN fellows na kilala bilang mga nursing leaders sa larangan ng education, management, practice, at research.
Sa isang kaganapan noong unang bahagi ng Oktubre, pinarangalan ng Philippine Embassy ang apat sa kanilang mga nagawa.
Si Dr. Rebecca Graystone, senior vice president ng Accreditation at Organizational Credentialing sa American Nurses Credentialing Center, ay pinapurihan ang mga Filipino Fellows kasabay ng pangako ng AAN na susuportahan ang Filipino community na nagsusulong para sa pantay na pagtrato sa pagbibigay ng health service sa mga komunidad.