Sa isang episode ng “Fast Talk with Boy Abunda” nitong Martes, Setyembre 5, ipinaabot ng Kapuso actress na si Barbie Forteza ang kanyang paghanga kay Kapuso actor na si Jak Roberto, na ngayo’y kaniyang kasintahan.
Ganun din ang ipinaramdam ni Barbie pati kay Kapuso actor David Licauco, ang kanyang kasamang loveteam.
Ayon kay Barbie, hindi sila madalas mag-usap ni Jak tungkol sa kanilang loveteam ni David.
“Wala kasi siya sa aking ipinakitang dahilan para i-explain ko pa sa kaniya ang sitwasyon,” pahayag ng aktres hinggil sa kanilang tambalan ni David.
“Siguro nanggagaling ‘yun sa parehas naming pangarap na maabot ang ganitong klaseng recognition and makilala din. So alam na namin sa sarili namin na suportahan na talaga,” dagdag pa ni Barbie, na siyang bida kasama ni David sa nalalapit na serye na “Maging Sino Ka Man.”
Ipinahayag ni Barbie ang kanyang paghanga kay Jak at David dahil pareho silang nagpapakita ng pagiging mature sa mga ganitong sitwasyon.
“It’s more of like maturity for the whole situation sa nangyari. Galing sa aming tatlo, na kahit naman din si David ay isang well known businessman, so alam niya ang mga ganiyan,” ani ni Barbie.
Kaya’t labis na ikinatutuwa ni Barbie ang pagkakaibigan nilang tatlo, na lalong tumitibay habang lumilipas ang panahon.
“Ang pinakamagandang nakuha namin sa trabahong ito ay ‘yung friendship namin hindi nawala. Friendship ni Jak at ni David, friendship namin ni David, ‘yung relationship namin ni Jak, walang nasira,” sabi pa ni Barbie.