Sinabi ng Office of the Solicitor General (OSG) ngayong Biyernes, Hulyo 5, na maghahain ito ng petisyon para ipawalang-bisa ang birth certificate ni suspended Bamban, Tarlac Mayor Alice Guo dahil sa mga alegasyong pineke nito ang kanyang Filipino citizenship.
Binanggit sa petisyon ang umano’y kabiguan ni Guo na sumunod sa mga legal requirements para sa late registration of birth, sinabi ni Solicitor General Menardo Guevarra.
Ayon kay Guevarra, ang pagkansela sa kanyang birth certificate ang magiging batayan sa pagsasampa ng quo warranto petition upang mapatalsik si Guo bilang alkalde ng Bamban.
Nauna nang sinabi ng Philippine Statistics Authority (PSA) na may natunugan silang mga irregularities sa birth certificate ni Guo, samantalang sinabi ng National Bureau of Investigation (NBI) na ang mga fingerprint ng alkalde ay tumutugma sa Chinese woman na nagngangalang “Guo Hua Ping.”