Hinamon ni dating senador Leila de Lima si Vice President Sara Duterte na magbitiw bilang secretary ng Department of Education (DepEd) kung hindi niya kayang patahimikin ang kanyang pamilya sa diumano’y panggugulo sa administrasyon ni Pangulong Ferdinand R. Marcos Jr.
“She (VP Sara Duterte) is having her cake and eating it too. Namamangka sa dalawang ilog,” sabi ni De Lima sa panayam ng The Manila Times.
“Her loyalties are very clear. They remain with her family who have called BBM names and called for his ouster,” pahayag ni De Lima.
Ito ay matapos kastiguhin ni First Lady Liza Araneta – Marcos si VP Sara dahil sa diumano’y kawalan nito ng delicadeza matapos tumawa sa mga pangungutya ng kanyang ama na si dating Pangulong Rodrigo Duterte kay PBBM nang tawagin itong ‘drug addict’ sa isang rally na ginanap sa Davao City.
“If there is any line for Duterte vis-a-vis BBM, he has crossed it a long time ago the moment he told the Armed Forces of the Philippines their commander-in-chief is an addict,” giit ni de Lima.