Humataw si ACT-CIS partylist Rep. Erwin Tulfo sa Number One position hinggil sa top senatorial candidates sa May 2025 elections base sa pinakahuling “Tugon sa Masa” survey ng OCTA Research.
Isinagawa ang survey ng OCTA Research noong Disyembre 10 hanggang 14, 2023, na sinagutan ng 1,200 adult respondents.
Ang tanong sa survey: Sino ang iboboto mo (senatoriable) kung ang May 2025 ay isasagawa ngayong araw?
Pumangalawa si Sen. Bong Go, na nakakuha ng 53 porsiyento; na sinundan ni dating Senate president Vicente “Tito” Sotto III, 48 prosiyento.
Nakabuntot din sina Sen. Ronald “Bato” dela Rosa, 47 porsiyento; Sen. Imee Marcos, 42 porsiyento; Sen. Ramon “Bong” Revilla Jr., 35 porsiyento; Sen. Francis “Tol” Tolentino, 33 porsiyento; former Manila mayor Francisco “Isko” Moreno Domagoso, 32 porsiyento; former senator Panfilo “Ping” Lacson, 32 porsiyento; Sen. Pia Cayetano, 30 porsiyento; former senator Emmanuel “Manny” Pacquiao, 28 porsiyento; former vice president Jejomar Binay, 25 porsiyento; at Sen. Manuel “Lito” Lapid, 20 porsiyento.
Kabilang din sa survey sina Defense Secretary Gilbert “Gibo” Teodoro Jr., 19 porsiyento; dating senator Gregorio “Gringo” Honasan, 18 porsiyento; DILG Secretary Benhur Abalos, 18 porsiyento; TV host at comedian Willie Revillame, 18 porsiyento; Dr. Willie Ong , 17 porsiyento; at former vice president Maria Leonor “Leni” Robredo, 17 porsiyento.