Pinuna ni Atty. Ferdinand Topacio ang House Committee on Justice sa isinasagawa nilang impeachment proceedings laban kay Vice President Sara Duterte at sinabing alam naman na umano kung ano ang magiging desisyon ng panel sa impeachment complaints.
“Ang panawagan po namin sa committee… huwag na nating lokohin ang taumbayan, alam naman natin that you will find sufficient ground and that you will transmit it to the Senate. Gawin ninyo na, ipokrito kayo eh,” giit ni Topacio.
Hinamon niya ang komite na i-transmit na ang impeachment complaints sa Senado: “Alam naman natin that you will find sufficient ground and that you will transmit it to the Senate.”
“Kunyari pa nagta-trial kayo, eh pre-ordained na naman ang conclusion niyan eh, and you’re not fooling anyone so gawin ninyo na,” saad ni Topacio sa press briefing ng Partido Demokratiko Pilipino (PDP) nitong Huwebes, Marso 26.
Nanindigan din sila sa desisyon ni VP Sara na hindi sumipot sa ginanap na pagdinig ng House Committee on Justice sa impeachment complaints laban sa kanya.
“It was a very smart move for the Vice President not to attend… Bakit ka pupunta sa isang kangaroo court?” ani Topacio.
Ulat ni Jilliane Libunao