All-accounted-for na ang pitong akusado sa P92.8 million flood control project scam sa Pandi, Bulacan, na pinangungunahan ni dating Sen. Ramon ‘Bong’ Revilla Jr., matapos maaresto si Emelita Capistrano Juat sa bayan ng Ubando nitong Martes, Enero 20 ng gabi.
Ayon sa Philippine National Police, si Juat, na dati ring nakatalaga sa Department of Public Works and Highways (DPWH) Bulacan First District Office, ay naaresto sa Barangay Tampulo, Ubando, Bulacan pasado alas-11 ng gabi.
Si Juat ay kabilang sa anim na former DPWH engineers na kapwa akusado ni Revilla sa mga kasong inihain sa Sandiganbayan Third Division kaugnay sa mga ‘ghost’ flood control projects na nadiskubre sa Pandi.
Si Juat ay iniharap ng PNP sa Sandiganbayan ngayong Lunes para sa ‘return of warrant.’