Nanindigan si Atty. Francesca Lourdes Señga, legal counsel ni dating Senador Ramon ‘Bong’ Revilla Jr., na ““hearsay” at “incompetent” ang mga ebidensyang ibinabato sa kanyang kliyente kaugnay sa reklamong graft na kinahaharap nito tungkol sa flood control scam.
“‘Yung mga ganitong complaint na pina-file na walang batayan, parang finile para lang mang-har@ss o mang-abala ng isang individual. So… ayon sa batas at sa rules ng evidence, hindi ito dapat paniwalaan,” giit ni Señga.
Sa pagharap ni Bong Revilla sa Department of Justice (DOJ) ngayong Lunes, Enero 5, sinabi ni Atty. Señga na ang mga ebidensya ibinabato umano sa kanyang kliyente ay nagmumula sa “unbelievable, and unreliable source.”
“A charge against an individual cannot be based on the mere say-so of an unreliable source. And in this case, unreliable, unbelievable witnesses,” ayon sa abogado.
Samantala, kabilang ang dating senador sa limang kasong may kinalaman sa umano’y maanomalyang flood control projects sa Bulacan na kasalukuyang iniimbestigahan ng DOJ.
Ulat ni Julian Katrina Bartolome