Sa isinumiteng six-page document sa International Criminal Court (ICC) Appeals Chamber noong Disyembre 9, 2025, inakusahan ng kampo ni dating pangulong Rodrigo Duterte ang ICC Prosecution na gumamit umano ng “back-door” appeal upang magkaroon ng jurisdiction sa kaso ni Digong.
“Thereafter, the Prosecution attempts a ‘back-door’ appeal, seeking the restoration of its own incorrect interpretation,” saad sa request ng kampo ni dating pangulong Rodrigo Duterte.
Iginiit nila sa kanilang request to respond na ang pagkabigo ng Prosecution na magsagawa ng imbestigasyon sa kaso bago umalis sa ICC ang Pilipinas ay kasalanan umano nito at hindi nila puwedeng baguhin ang interpretation ng batas upang ayusin ang kanilang diumano’y kasalanan.
“The Prosecutor should now accept that the need for accountability cannot be achieved by perverting the correct interpretation of the law and certainly not at the expense of a suspect’s expectation of legal propriety,” ayon sa kampo ni Digong.
Samantala, tinugunan naman ito ni ICC Deputy Prosecutor Mame Mandiaye Niang at hiniling sa Appeals Chamber na ibasura ang request dahil ang mga isyu na binanggit nila ay hindi na umano bago at “could reasonably have been anticipated.”
Binigyang-diin din ng Prosecution na tama ang pag-interpret ng Pre-Trial Chamber sa article 127(2) na nag-preserve sa “exercise of jurisdiction” ng ICC.
Ulat ni Ansherina Baes