Sa panayam sa kanya ni Christian Esguerra nitong Biyernes, Nobyembre 28, sinabi ni International Criminal Court (ICC) Assistant to Counsel Atty. Cristina Conti na ang “fitness to stand in trial” ni dating pangulong Rodrigo Duterte na lang ang natatanging balakid sa confirmation of charges hearing ng Pre Trial Chamber I sa kaso ni Digong.
“‘Yan (fitness to stand in trial) ang natatanging balakid naiiwan na hadlang bago makapag-proceed tayo ng confirmation of charges hearing,” sabi ni ICC assistant to counsel Atty. Cristina Conti.
“‘Yung deadlines lang dun, ‘yung report, ‘yung comments ng Prosecutor parang December eh, uubusin na nun ‘yung working days of the court kaya January na malamang pagpapasyahan ito. In the meantime, medyo Merry Christmas muna,” ani Conti.
Sa ginanap na ICC hearing nitong Biyernes ala-5:30 ng hapon ay tinanggihan ng ICC Appeals Chamber “unanimously” ang apela ng kampo ni Digong laban sa unang desisyon ng Pre Trial Chamber na ibasura ang kanilang hinihiling na interim release.
Sinabi pa ni Conti na mayroon pang isang challenge ang kampo ni Digong, ngunit na-reject na rin umano ito ng Pre Trial Chamber at nakapila na sa Appeals Chamber.
“Ang Appeals Chamber naman will now next talk about jurisdiction, and that is actually a larger issue…Kung walang kapangyarihan ang ICC, that is a different matter altogether,” dagdag niya.
Ulat ni Ansherina Baes