Dapat suriin ng Office of the Ombudsman kung may pananagutan si dating DPWH Secretary Manuel Bonoan at dalawa pang dating opisyal sa posibleng paglabag sa Code of Conduct ng government officials kaugnay ng P69.4 milyong “ghost” project sa Plaridel, Bulacan, ayon sa Independent Commission for Infrastructure (ICI).
Sa isang interim report, sinabi ng ICI na sulipin ang mga posibleng paglabag “on the part of DPWH Secretary Manuel Bonoan, former Undersecretaries Roberto Bernardo and Maria Athena Cabral, among others.”
Tinukoy ang nasabing proyekto bilang Riverbank Protection Structure sa Barangay Bagong Silang (Purok 4), Plaridel, Bulacan, kung saan na-flag ito ng Commission on Audit (COA) dahil sa umano’y maling lokasyon at hindi tugma sa aprubadong plano.
Wala rin umanong sapat na dokumento para patunayan ang pagkakagawa ng proyekto na itinayo ng TopnotchCatalyst Builders, Inc.
Pinaiimbestigahan din ng ICI kung maaaring kasuhan sina dating DPWH Engineers Henry Alcantara at Brice Erickson Hernandez at iba pa dahil sa posibleng paglustay ng pera ng taumbayan, paglabag sa Anti-Graft and Corrupt Practices Act, at Government Procurement Reform Act.
Ulat ni Julian Katrina Bartolome