Ibinahagi ni Department of Public Works and Highways (DPWH) Sec. Vince Dizon sa press conference nitong Lunes, Nobyembre 3, ang initial list ng pagbaba ng presyo sa mga overpriced construction materials.
“This is probably the single biggest reform ever sa DPWH na in-initiate ng ating Pangulo kasi hindi mo na puwedeng baguhin ‘yan eh. Kahit na sino pang administrasyon, hindi na puwedeng baguhin ‘yan,” saad ni Dizon.
Makikita sa Construction Materials Price Data (CMPD) ng asphalt (per metric ton) na mayroon itong average na -50 porsyentong variance kung saan ang pinakamataas na variance ay nasa 74.89 na porsyento sa Region IV-B.
Nasa -36 na porsyento naman ang average variance para sa regional average prices ng steel sheet pile na U-type (per kilogram) habang nasa -32 porsyento ang variance ng regional average prices ng gravel na grade 1 (per cubic meter), sand (per cubic meter), at reinforcing steel bar na grade 60 (per kilogram).
Samantala, nasa -30 porsyento ang variance ng regional average prices ng reinforcing steel bar na grade 40 (per kilogram), at -10 porsyento naman para sa cement (per 40kg bag).
Ulat ni Ansherina Baes