Ipinag-utos ng mga hukom ng Pre-Trial Chamber I ng International Criminal Court (ICC) ang pagsasagawa ng medical examination kay dating Pangulong Rodrigo Duterte upang madetermina ang estado ng kalusugan para makadalo sa pre-trial proceedings ng kanyang kaso sa ICC.
“THE CHAMBER HEREBY ORDERS that a medical examination of Mr Duterte be conducted in accordance with the present decision…to constitute a Panel to undertake the aforementioned medical examination,” saad ng ICC Pre-Trial Chamber I.
“THE CHAMBER HEREBY ORDERS that a medical examination of Mr Duterte be conducted in accordance with the present decision; APPOINTS [REDACTED], [REDACTED] and, once admitted to the List of Experts, [REDACTED], to constitute a Panel to undertake the aforementioned medical examination,” saad ng ICC Pre-Trial Chamber I.
Nagtalaga rin ang mga hukom ng ilang medical experts na bubuo sa medical panel na magsasagawa ng medical examination kay Digong, kabilang dito ang forensic psychiatrist, neuropsychologist, at geriatric at behavioral neurologist.
Kinakailangan din na magbigay ang medical panel ng kanilang assessment sa dating pangulo tungkol sa dalawang isyu: kung naghihirap si Digong sa anumang medical condition na posibleng makaapekto sa paglahok niya sa pre-trial proceedings, at kung mayroong “special measures or adjustments” na mairerekomenda para matugunan ang anumang kondisyon ng dating pangulo.
Inatasan din nila ang medical panel na lahat ng mga impormasyon na makukuha mula sa Medical Officer ng Detention Centre ng ICC ay gagamitin lamang para sa “purpose of formulating its reports” at inatasan na huwag isiwalat ang anumang impormasyon nang walang “prior approval of the Chamber.”
Inaasahan ng Pre-Trial Chamber I ang pagsumite ng medical panel ng mga joint o individual reports “to the extent possible and as considered appropriate”, na ihahain ng ICC Registry bago sumapit ang Oktubre 31.
Ulat ni Jilliane Libunao