Naniniwala si Ombudsman Jesus Crispin “Boying” Remulla na pinoprotektahan umano ng mag-asawang kontratista na sina Sarah at Curlee Discaya si Sen. Christopher Lawrence “Bong” Go kaugnay sa flood control scam.
“I think they’ve been protecting Bong Go, the joint venture that they had with the CLTG, the family of Bong Go,” sabi ni Remulla.
Ayon kay Remulla, nagkaroon ng joint venture ang Discaya couple kasama ang CLTG Builders, construction firm na pagmamay-ari ng tatay ni Sen. Bong Go, kung kaya’t posibleng pinoprotektahan umano nila ang senador.
“The joint venture that they had with the CLTG… that’s one of the protection—one of the people that they’ve been protecting to be blunt about it,” ani Remulla sa isang panayam sa kanya sa programang ‘On Point’ ng Bilyonaryo News Channel nitong Miyerkules, Oktubre 15.
Samantala, inanunsyo ni Independent Commission for Infrastructure (ICI) executive director Brian Keith Hosaka nitong Miyerkules din na hindi na makikipagtulungan ang Discaya couple sa imbestigasyon ng komisyon sa maanomalyang flood control projects.
Ulat ni Jilliane Libunao