Inihayag ng tagapagsalita ng International Criminal Court (ICC) na si Fadi el Abdallah na wala umanong epekto ang ginawang pagdiskuwalipika ng mga hukom ng Appeals Chamber ng ICC kay Karim Khan bilang chief prosecutor mula sa kasong kinakaharap ni dating Pangulong Rodrigo Duterte sa international tribunal.
“This disqualification [of Karim Khan] has no impact on the ongoing case against Mr. Duterte,” saad ni Abdallah.
Ito ay kasunod ng naging desisyon ng ICC Appeals Chamber na i-disqualify si Khan mula sa kaso ni Digong dahil nakakita umano ang mga hukom ng posibleng bias sa prosecutor hinggil sa kaso.
“The Appeals Chamber is of the view that in the specific circumstances at hand, a reasonable observer could expect the Prosecutor to have formed an opinion that, objectively, could adversely affect his required impartiality in the case at hand,” mababasa sa dokumento ng desisyon ng Appeals Chamber na isinapubliko noong Miyerkules, Oktubre 15.
Sa inilabas din na pahayag ng Office of the Prosecutor nitong Miyerkules, iginiit nito na ang mga investigative at prosecutorial activities hinggil sa kaso ni Digong ay pinangungunahan ng “multi-disciplinary team” na pinangangasiwaan ni Deputy Prosecutor Mame Mandiaye Niang.
“The victims and survivors in the Philippines situation deserve justice and accountability. The Office’s activities in this case will continue, contributing to ensuring that justice is pursued impartially and independently,” saad ng Office of the Prosecutor.
Ulat ni Jilliane Libunao