Inilabas na ng International Criminal Court (ICC) Pre-Trial Chamber 1 nitong Biyernes, Oktubre 10, ang kanilang desisyon sa interim release ni dating Pangulong Rodrigo Duterte.
“The Chamber finds that Mr. Duterte’s detention continues to remain necessary,” saad sa desisyon na inilabas ng ICC Pre-Trial Chamber 1.
Kinontra ng Pre-Trial Chamber 1 sa kanilang desisyon ang argumento ng kampo ni Digong na “Mr Duterte is 80 years old.”
Anila, hindi sinasabi ng kampo ni Digong kung paano nagiging “detrimental” ang pagkakadetine sa dating pangulo “that it justifies his release.”
Nilinaw naman ng Chamber na mayroong karapatan si Digong para sa medical treatment “pursuant to regulation 103(4) of the Regulations.”
Dagdag pa nila, wala umanong nakasaad sa request ng kampo ni Digong na hindi ito sapat upang matiyak na makukuha ng dating pangulo ang “appropriate medical attention and care in detention.”
“The Chamber, therefore, considers that the Defence’s argument that Mr Duterte should be released for humanitarian reasons must be rejected,” saad sa desisyon ng Chamber.
Ulat ni Ansherina Baes