Inihayag ni Department of Justice (DOJ) Secretary Jesus Crispin ‘Boying’ Remulla na wala pa silang inilalatag na plano sakaling lumabas na ang warrant of arrests mula sa International Criminal Court (ICC) laban kina Senators Christopher Lawrence ‘Bong’ Go at Ronald ‘Bato’ dela Rosa.
“We have yet to talk about it. I do not think they want to leave the country. We will cross the bridge when we get there,” saad ni Remulla.
Ito ay matapos sabihin ni dating senador Antonio ‘Sonny’ Trillanes IV na posible umanong lumabas sa 2026 ang arrest warrants laban sa dalawang senador.
Samantala, kasalukuyang nakapiit si dating Pangulong Rodrigo Duterte sa detention facility ng ICC sa The Hague, Netherlands.
Ulat ni Ansherina Baes