Inihayag ni Department of Foreign Affairs (DFA) Sec. Theresa Lazaro ngayong Biyernes, Agosto 15, na wala umanong kasalanan ang Pilipinas sa nangyaring banggaan ng China Coast Guard (CCG) vessel 3104 at People’s Liberation Army Navy (PLA-Navy) ship 164 sa Bajo de Masinloc nitong Lunes, Agosto 11.
“The PHL bears no responsibility for the collision between the PLAN vessel and the CCG vessel in Bajo de Masinloc. It was an unfortunate outcome, but not one caused by our actions,” saad ni DFA Secretary Theresa Lazaro.
Ibinahagi rin niya ang kanyang “serious” concern sa umano’y panggugulo ng dalawang Chinese vessel sa isang humanitarian operations na isinasagawa ng Philippine Coast Guard (PCG) sa mga Pilipinong mangingisda.
Ulat ni Ansherina Baes