Nagpahayag ng pagkabahala ang Kamara de Representantes sa pahayag na inilabas ni House spokesperson Atty. Princess Abante ngayong Sabado, Agosto 2, tungkol sa balitang balak umanong magbotohan ng Senado tungkol sa impeachment laban kay Vice President Sara Duterte nang hindi hinihintay ang legal remedies ng Kamara.
“Any premature action—such as a Senate vote effectively abandoning the impeachment trial—may be interpreted as a disregard of due process,” saad ni Abante.
Iginiit naman nito na ang desisyon ng Korte Suprema ay hindi pa pinal at sinabing maghahain pa ang Kamara ng Motion for Reconsideration “as the body vested by the Constitution with the exclusive power and authority to initiate an impeachment.”
Sinabi din ni Abante na ang boto ng Senado na abandonahin ang impeachment trial ay nagpapahiwatig ng pagbabalewala sa due process. “Worse, it may be construed as a political shortcut that undermines the constitutional role of the House.”
“We call on our dear Senators to exercise prudence and patience, and allow the judicial process to reach its rightful conclusion,” aniya.
“The House remains committed to the rule of law and will exhaust all legal remedies to protect its constitutional mandate—and to ensure that accountability is not casually brushed aside,” dagdag ni Abante.
Ulat ni Ansherina Baes